Archive for the Skiednisbylden category

Hier leit Vondel zonder rouw,
hy is gestorven van de kouw.

Heech op jierren is hy stoarn,
fan kjeld, sa’t er noch dichte,
noed koe hy yn ’t wiffe libben oan,
it rekke trije kear syn heitehert,
as dichter gie it nei de hichte.

Flechtsje moast er as mennist
en om’t hy flymskerp dichte
oer de polityk, in saak fan list,
wat rekke syn gewisse yn it hert,
it hat as dichter him ferplichte.

Trije bern brocht hy op ’t hôf,
wat delsloech yn gedichten:
ivich libben riisde út it stof,
der wie gjin better balsem foar it hert,
hy kaam dêrtroch wer út ‘e lichte.

Sidekeapman waard suppoast,
sa giet it nei de lichte,
ek troch soargen om syn soan, want Joast
woe net om lyk, waard lyk, sa briek it hert
fan heit, hy hat lykwols noch dichte.

* Philip de Koninck (1619-1688)
Skilderij ‘Joost van den Vondel’

Gjin diplomaat mei grut gesach,
hy sette inkeld mar syn hân
op ’t blêd fan it ferdrach,
sa kaam de frede yn it lân.

De bern ha boarte, striid of net,
behalve twa, dy hiene baat
om mei op it portret,
sy learden al foar diplomaat.

In fjouwer dagen nei ’t ferdrach
wie ’t noch net út mei it geweld,
de stêd*** hat yn dy slach
wol fjouwertûzen deaden teld.

* Henri Gascard (1635-1701)
Skilderij ‘Frede fan Nijmegen’

** Yllustraasje ‘Slach by Sint Denis’

*** Sint Denis