Willem Tjerkstra’s thússide

Archive for the Skûtsjesilen 2022 category

admin

Feroaring fan wyn

Skûtsjesilen 2022

De wyn bleau yn de moarn noch lizzen
as hie er jûns te krijen hân
mei folk dat fan gjin wiken wist
en hingjen bleau by bier en wyn,
hy gie de nacht yn koma yn.

De skûtsjes taasten nei in koeltsje
om krûpend oer de start te gean,
gjin skipper dy’t fan wiken wist,
de fjirtjin glieden ’t krúsrek yn
en dagen út de noardewyn.

De himel harke nei de skippers
en fierde grauwe wolken oan,
wat útlein waard as slimme list,
want út ’e slomme kaam de wyn
en jage ’t fjild it krúsrek yn.

De skûtsjes brûsden nei de finish,
de wyn bleau oant it lêst ta stean
en hat neat fan de spanning mist.

Foto ‘Start by Wâldsein’
Foto ‘De finish fan Langwar en It Hearrenfean’

admin

Bootox by Langwar

Skûtsjesilen 2022

’t Is in boat, it kin net misse,
mar de okse, is dy ek oan board
om oan te moedigjen de liuw,
dy’t striidber oer de weagen draaft,
mar hjoed net út is op in moard.

Botuline mei toxine,
wittenskiplik praatsje by Langwar,
de spieren reitsje dêrmei slop,
sadat de spanning minder wurdt
op Bootox, oars is ’t rap te bar.

Mar op Grou en op De Jouwer
wurde spieren gjin momint te slop,
dêr rint de spanning al gau op,
de liuw spant him wat minder yn,
de okse hâldt it mei de top.

* Foto ‘Bootox’
** Foto ‘Grou en De Jouwer board oan board’

Archieven

Zoeken

  • Categorie

  • Datum