Willem Tjerkstra’s thússide

Archive for the Skiednisbylden category

admin

Reginten

Skiednisbylden
PDF Print E-mail
fan Bartelt van der Helst*
fan Peter J. Sterkenburg**

De twadde Willem wie jong stoarn,
de tredde liet him noch net sjen,
dat sa’t it like gjin Oranje mear,
mar wie de Republyk ferlern?
Gjin sprake fan, in nije toan!

Image

Wa’t keapman wie, koe ’t ek wol dwaan,
hy wie mei wurd en jild fertroud,
dat de reginten kamen oan ’t regear,
foar ’t lân en foar harsels it goud
en foar elkoar in bêste baan.

De Reublyk, stedhâlderleas,
hie wrâldwiid hannel en ek macht,
in naasje stribjend nei de heechste ear,
mei skippen foar de swierste fracht,
dy’t kapitaal foar alles keas.

Image

* Bartelt van der Helst (1613-1670)
Skilderij ‘De foaroanmannen fan de spanbôgeskutters’

** Peter J. Sterkenburg (1955-2000)
Skilderij ‘VOC-skippen foar de ree fan Malakka’

admin

Willem Lodewijk

Skiednisbylden
PDF Print E-mail
fan Michiel Jansz. van Mierevelt*
fan Pieter Feddes**

Image

Us Heit, dat is syn earenamme,
want bern hat Willem Lodewijk net hân,
wol hied er mei syn folk in hechte bân,
stie him net foar op ear of stamme.

Strateech, sa gie hy troch de lannen
fan eigen folk en ûnder fijâns macht,
hy sloech op Romes oarlochskennis acht,
wie heit, rjochtfeardich foar syn mannen.

Hy keas as frou in dochter fan Oranje,
as neef en nicht tegearre hie gjin doer:
in healjier, troch har dea wie ’t houlik oer,
gjin heit, in libben sûnder franje.

De striid gie troch, mear as in fearnsieu letter
wie ’t oer foar him, in staasje fan syn bern
rûn achter him, in heit gie doe ferlern
foar Fryslân, der wie amper better.

Image

* Michiel Jansz. van Mierevelt (1566-1641)
Skilderij ‘Portret fan Willem Lodewijk’

** Pieter Feddes (1586-1623)
Tekening ‘Begraffenis fan Willem Lodewijk’

Archieven

Zoeken

  • Categorie

  • Datum