Archive for the Lyrysk Deiboek category

It kin net sûnder ûnderdak
om jierrenlang te driuwen,
dus siket it in gaadlik plak
om by de wâl te bliuwen…
yn ’t lizzen fynt it syn gerak.

Wa’t nei de oare kant ta wol
om ’t aventoer te finen,
dy brûst mei skip en hûs en al
om’t alle weagen skine…
de dagen binne mear as fol.

Op ‘e toer ha se de skipkes teld
dy’t troch de finish foeren, dreaun troch striid;
hjoed sjocht er út nei wat beweecht de mêst
nei heger oan de wyn, want ’t wurdt no tiid.

Sjoch hoe’t flaggen op ‘e Hurdsyldei
bewapperje it feest fan wyn en bier,
in krêft fan fiif fiert op de symfony
fan klapperjen en rûzjen withoefier.

Wylst de skipkes batse yn de draai,
beweecht it eilân ûnder ’t byljend lûd
fan hûnen, keppel fan hupfaldery,
de hoeder sjocht en fynt it hjoed wol goed.