Willem Tjerkstra’s thússide
admin

Keninklike dieden

Bibelbylden
PDF Print E-mail
fan ûnbekend*

Wat docht in kening fan ’t ferbûn,
dat sletten is yn de woestyn,
mei ’t wetboek yn de timpel fûn?
Hy ropt hjoed op it hiele folk,
giet foar har út de timpel yn
en lêst it foar as God syn tolk.

Wat docht de kening nei de tiid,
noch fol fan wurden fan de wet
en grime om it heidensk fjoer?
Hy slacht de bylden wiid en siid
yn pún en sparret alters net,
sadat de ôfgodstsjinst is oer.

Image

Wat docht dy kening fan ’t ferbûn
as ’t hillich fjoer brânt yn syn geast
en alles is nei ’t boek ferrûn?
Dan ropt er nei de timpel ta
it folk, dat fiert it Peaskefeest,
sa wol de Iene ’t libben ha.

* Ut ‘Ultimate Bible Picture Collection’
Yllustraasje ‘Herfoarming fan Josjia’

admin

Wetboek as stimpel

Bibelbylden
PDF Print E-mail
fan Philips Galle*

Kin in jonkje kening wurde,
leaf en boartlik bern fan noch mar acht?
As ’t gie net inkeld om de macht,
dan wol; wat earst kaam, wiene wurden.

Josjia tocht oan de timpel,
liet syn skriuwer bringe ’t jildberjocht,
de hegepryster seach it ljocht
yn ’t wetboek, fan de Iene ’t stimpel.

Stimpel ûnder rjocht en frede
as it folk hold fêst oan it ferbûn,
mar ’t hie al lang de goaden jûn
wat yngie tsjin it hôf fan Eden.

Image

Josjia wie fan de wize
doe’t hy hearde hoe’t it moatten hie,
syn klean ferskuorde hy as die
fan boete, ’t wie om fan te grizen.

Wa soe wize wurden sprekke
oars as Chûlda, godsfrou yn de stêd:
‘It ûnheil komt it folk oer ’t mêd,
de tiid sil foar de kening rekke.’

* Philips Galle (1537-1612)
Yllustraasje ‘Josjia en it wetboek’

Archieven

Zoeken

  • Categorie

  • Datum