De maitiid spielt de droechte oer it lân,
de boer sjocht it mei niget oan,
stekt rôljend mei in plastic bân
de sompe nei de snilekroan.

De oare side fan de Grienedyk
beweecht it blau foar it geniet
fan sikers nei it himelryk
dat fol mei snilekroanen stiet.

De simmer jaget wetter oer it gea
foar sompen fan mar oardel dei,
omdat Gerbrandy fûn dat nea
it wetter wurdt de ein fan wei.