Archive for the Wrâldbylden category

Woartelbrêge

fan ûnbekend*

Wannear’t in beek wurdt ta in stream,
dy’t kolket troch ravinen,
is der foar it folk gjin hâlden oan
om oan de oare kant te kommen,
inkeld yn in dream.

Wa’t dreamd hat oer de woartelbeam,
kin wol in oergong fine
om mei drûge fuotten oer ’t ravyn
te kommen: bûch de sterke woartels,
rin dan oer de stream.

Yn Meghalaya falt de rein
mei bakken út ’e himel,
gjin gebiet is wieter as dat gea,
mar troch de woartels fan banyan
wurdt in brêge slein.

* Foto ‘Ritymmen woartelbrêge
yn Meghalaya, Yndia’

Nikolajevitsj syn spoaren

fan  ûnbekend*

Sjedêr de skiere fierte
fan Europa’s grutste park
mei net te tellen spjirren
as de wachters fan Georgië,
dy’t fan de skiednis witte.

Hjir jage de elite,
dy’t ferrike waard mei ’t hout
fan spjirren, net te tellen
wiene stammen noch it kapitaal,
’t gie om in rike krite.

Sjedêr hoe’t it feroare
mei foarst Nikolajevitsj,
dy’t spjirren net lang wachtsje
liet op folk fan hiel Georgië,
it stapte yn syn spoaren.

* Foto ‘Nasjonaal park Bordzjomi-Charagaoeli’