juli 6, 2025
fan Andrew Wyeth*
It wie de wrâld fan Andrew Wyeth,
skilder dy’t fan ’t lânskip hold
dat him oanspriek troch de fierte,
fier koe hy de wrâld oersjen
om folle net genôch te witten.
Hy seach syn ynfalide buorfrou,
wist fan har beheinde wrâld:
stean gie net, allinnich sitte
koe sy, alles net oersjen,
hy liet har dochs genôch noch witte…
… mei’t hy har eigen romte fêstlei
yn de geast dy’t spriek fan krêft:
krûpend woe syn fierder komme
as de top om fier te sjen,
foar leaf hat sy har krupsje nommen.
* Andrew Wyeth (1917-2009)
Skilderij ‘Christina’s wrâld’
juni 23, 2025
fan ûnbekend*
fan ûnbekend**
Mahatma hie in grutte siel,
wat spriek al út syn namme,
in siel dy’t iepen stie foar folk
dat ûnderdrukt waard troch de macht
dy’t spriek mei stim en stiel.
De stim spriek oer it grutste diel
dat takaam oan de blanke
dy’t macht hie oer it oare folk
dat oansein waard wat wie de taak
fan minsken sûnder siel.
Mahatma joech it folk de siel
fan… elkenien op ierde
mei namme meitsje sa’t er is:
‘Kom yn ferset tsjin elke Brit
dy’t sprekt mei stim en stiel.’
It stiel feroare hy yn sâlt:
‘Lit ús de sâltmars rinne,
dan krije wy it rjocht om sâlt
te winnen foar de eigen smaak…
de frijheid, ús behâld.’
* Foto ‘Mahatma Gandhi’
** Foto ‘De sâltmars’
