mei 13, 2018
fan ûnbekend*
fan ûnbekend**
Hoe lang kin men de kjeld wjerstean,
hoe hiel de trochfeart farre?
Inkeld yn de dikste klean,
him is de dea besparre.
Amundson, man fan aventoer
en ek noch fan prinsipe,
foer de oseanen oer,
hat dêrmei trochfeart stipe.
De Baffinbaai wie it begjin
en fierder troch ’t noardwesten
nei Alaska, nei ferrin
fan tiid koe hy him teste…
… mei hûneslide en op skys
om oan de wrâld te melden
dat er fêstsiet yn it iis…
se giene troch foar helden.
Nei trije jier wie ’t doel berikt:
’t bewiis om troch te farren,
de Noarpoal wie ek prikt,
dêr’t hy dy reis bedarre.
* Foto ‘Roald Amundson’
** Foto ‘De Gjoa, it skip fan Amundson’
mei 6, 2018
fan ûnbekend*
Neat is yn ’t libben absolút,
dus moat men alles yn relaasje sjen,
sa wurdt de minske wizer
oer de tiid dy’t giet foarút,
mar mei de faasje fan it ljocht ferlern.
As bern wie hy syn tiid foarút,
hoewol’t hy trochgie foar in stillenien
en achterlik, net wizer,
mar hy hie syn dreamdebút,
hat mei de tiid it yn de romte dien.
De romte joech him wol de kâns
om tiid te sparjen mei it rappe ljocht,
dy beide yn relaasje;
’t witten rekke yn balâns:
atoom en universum krigen rjocht.
Hoewol’t er al fan alles wist
en musisearre troch de ierdske tiid,
ferlear de wrâld relaasje
mei it rjocht, as passifist
seach hy op ôfstân striidber nei de striid.
Foto ‘Albert Einstein’