Archive for the Bibelbylden category

Oars klinkt de godsspraak fan de Heare:
Ik helje jim by frjemde folken wei,
set wer oerein de hut fan David
en meitsje alle gatten ticht,
wat ynstoart wie, wurdt opboud,
it folk fiert wer befrijingsdei,
it sil nei âlde tiden keare…
dan drippe bergen fan it druvesop
en rint it by de hichten del,
de minsken sille dêrfan drinke,
gjinien giet fan syn grûn wer wei,
wat soe jim dan noch deare?

* William Turner (1775-1851)
Skilderij ‘Fiergesicht’

Amos hie al trije fisioenen sjoen,
doe kriich er wer in byld foar eagen,
it hie wol wat, it eage sûn.

Tagelyk mei ’t glânzjend byld klonk klear in lûd:
‘Wat krigesto foar eagen, Amos?’
‘In koer mei fruchten, ’t liket goed.’

Fuort dêrnei klonk wer deselde kleare stim:
‘Myn folk is as de ripe fruchten,
ryp foar de ein, skyl sûnder glim.’

Lûder klonk de stim as fan in wisse wil:
‘De ripe fruchten wurde liken,
ferlern op strjitte smiten… stil!’

* Caravaggio (1571-1610)
Skilderij ‘Stillibben mei fruitkoer’