Willem Tjerkstra’s thússide
admin

Oerwâld

Lyrysk Deiboek
PDF Print E-mail
As jonkje dreamde ‘k my it oerwâld yn
as slingerjende aap oan in liaan,
ik dronk de molke út in kokosnút,
koe elke fijân makkelik ferslaan
en kaam as stoere Tarzan der wer út.

Image

No lûkt it Fryske oerwâld my deryn,
it reidfjild oan de igge fan de feart,
myn each bedrinkt him oan it weagjend grien
en freonlik slingerjend bin ik by steat
wer stil te stean, ik nim der noch mar ien.

Image

Der fjouwert nachts wolris in merje yn
myn dream mei hoeven fan beton en stiel,
dy sûpt it grien mei skrobske swolgen op,
wat oerbliuwt is in weagjend modderwiel
dêr’t ik yn slingerje mei pinekop.

Image

admin

Ballade fan de Belch

Lyrysk Deiboek
PDF Print E-mail
Image

In allochtoan út ‘e Ardennen
reizge nei it lege midden ta;
as ûnderdak foar yn de simmer
woe dy Belch in blauwe tinte ha.

Om oan it griene gea te wennen,
keas er foar syn kano ek dy kleur;
dat driuwfermogen wie foar ’t wetter,
tagelyk foar ’t lykwicht en de fleur.

Dy simmerjûn siet er yn ’t griene
midden, oeral gers en beamteguod;
it waard mei bearenburch wol better,
troch dat brune rekke hy gau fuort.

Image

Dat de Ardennen noch bestiene,
wist er yn syn djippe dream net mear;
syn strôteseagjen sloegen alle
beammen om, sa wied er yn de wear.

Hy liet syn kano doe ek falle
mei in plûns yn lykwicht yn de feart;
it griene skeat mei gong troch ’t blauwe,
yn de fierte lykwols gie ’t ferkeard.

De kanokleur loek wetterplanten
en it einekroas út harren rêst;
sa soe it grien twa dammen bouwe,
dat it driuwfermogen rekke fêst.

Image

De bearenburch hie goede kanten,
liet it Fryske folkskarakter sjen;
in boatwein soe de haadrol spylje,
Belgysk lykwicht wie noch net ferlern.

Sa koe de boatweinboer beswylje
’t wettergrien, hy joech de Belch wer loas;
dy waard yn ’t blauwe ljocht let wekker
mei yn hier en noas it einekroas.

Image

Archieven

Zoeken

  • Categorie

  • Datum