Archive for the Skiednisbylden category

In kapitein of is ’t in generaal?
It bart net alle wiken,
dat dit is in oar ferhaal,
in stjer tusken de liken.

Men fielt, dit byld is withoefolle mear
as inkeld alteraasje,
foar de generaal de ear
en gloarje foar de naasje.

* John Trumbull (1756-1843)
Skilderij ‘De dea fan generaal Montgomery’

Unôfhinklikheid wie al beskreaun,
mar frijheid hearske net oeral,
moast noch oer ’t wetter farre
nei it folk troch Britten ûndertreaun,
it soe mei krysttiid barre.

’t Wie ôfhinklik hoe’t de Delaware
him oansjen liet mei stream en iis
en hoe’t de roeiers wrotten
mei it each op skossen en de stjer,
se bleauwen wol op fuotten.

Washington syn fuotten stiene fêst,
wylst skossen bonkten tsjin it board,
syn each loek nei de fierte,
dêr’t it freonefolk wie noch yn lêst,
it soe fan frijheid witte.

Stekt de frije geast rivieren oer,
gjin hâlden is der sa noch oan,
it iis sil daliks teie,
wurdt de waarmte dan fan lange doer,
gjin folk is te bekleien.

* Emanuel Gottlieb Leutze (1816-1868)
Skilderij ‘Washington stekt de Delaware oer’