oktober 30, 2024
It hart mei bûnzjend hert
en triedden tusken hoarnen
yn Ketliks boskryk gea
sjocht net Hubertus yn de eagen,
mar de loop fan in gewear,
syn krús betsjut de dea.
oktober 24, 2024
fan Aert Pietersz
Wat in herberch al net bergje kin:
fee dat feilich ûnderdak
de koppen nei inoarren stekt
en fetten fol mei skomjend bier,
ornearre foar it folk dat oanstekt
foar in praatsje en fertier.
Praatsjes komme meastal oan ’t begjin,
fine oan de taap faak plak
en ha in oar as ûnderwerp;
wat is in leagen, wat is wier,
it komt net al te krekt wat sein wurdt:
dûbel sprekt men by brún bier.
Pisje, poepe, sketen net te min,
blaas en kont, elk syn gerak,
mar ek wat justjes djipper stekt:
it frijen falt gjinien te swier,
wat achter doek en muorre plak fynt,
bliuwt ferburgen, giet te fier.
* Aert Pietersz (1550-1612)
Skilderij ‘Frijende pearen by in herberch’