september 25, 2019
fan Paulus*
Wy skeppe oer ússels net op,
mar hawwe wol it goede foarbyld jûn
troch hurd te wurkjen, dei en nacht,
jim hiene troch ús dwaan gjin strop.
Der binne ûnder jim ek guon
dy’t net arbeidzje, omdat sy de Hear
ferwachtsje, slaan op wurk gjin acht,
dy lju ferslite net de skuon.
Gean net mei sokke bruorren om,
sy hawwe wol fan alles by de ein,
mar wurk ha sy net yn de macht,
dat sizze se, har praat is krom.
Wa’t neat mear docht, is wol jim broer,
warskôgje him, faaks giet er wer oan ’t wurk,
dan slacht er op it goede acht:
wês wach yn ’t wurk, de Hear komt oer.
* Part fan de twadde brief oan de Tessalonikers
(haadstik 3)
september 18, 2019
fan Rembrandt*
Der is noch mear te skriuwen:
oer in geast dy’t profetearje sil,
in útspraak of in brief fan my,
dy’t iksels nea dien of skreaun ha,
al dy wurden binne tsjin myn wil…
jim moatte by de wierheid bliuwe.
De ôffal sil earst komme
troch de wetteleaze, dy’t as God
him foardocht, yn de timpel sit;
satan wol him as syn freon ha,
mar úteinlik wurdt de dea syn lot…
de wierheid hat jim geast ferromme.
De Hear hat jim as earsten
keazen, want de wierheid wie jim wei
– in útspraak yn de brief… fan my –
Kristus wol jim as syn freon ha,
stean dus fêst, dan stiet Hy jim ek nei
mei treast en leafde ’t aldermeaste.
* Rembrandt (1606-1669)
Skilderij ‘Kristus’