Habtamu de Hoop

fan ûnbekend*

Hy seach syn earste ljocht
yn Addis Abeba
en heinde ’t ljocht fan Wommels
op, garant foar it bestean,
dat winske men him ta.

Syn winsk bestiet út hoop
op elk in goed bestean
om ta syn rjocht te kommen,
hoop dy’t oergiet yn de died,
wrâldwiid om foar te gean.

Hy draacht syn ideaal
de wrâld yn: nim de lêst
fan rêgen dy’t net drage
kinne, sterke skouders wol,
sa stiet de takomst fêst.

Fan Addis Abeba
oant Wommels en De Haach
slacht Habtamu de brêge
nei de minsken fan ferlet
fan ’t antwurd op har fraach.

* Foto ‘Habtamu de Hoop’