Dwerch tusken reuzen

fan ûnbekend*

Rocky Mountains en  Great Plains,
se komme fan twa kanten,
út it westen en it easten wei,
kin Saint Mary Lake de bergen keare?

Wêr leit yn de mar de grins
dy’t oanjout hjir net fierder,
reuzen, want it wetter rekket wei
as jimme op inoarren botse.

Sjoch wat yn de midden leit,
it is it Wild Goose Island,
wylde guozzen rêde har dêrmei,
sy kinne reuzen maklik keare.

Mar wa’t hjir de septer swaait,
is lytser as de reuzen,
’t eilân slacht dêr ek syn slach wol mei:
de sympaty fan alle skôgers.

* Foto ‘Saint Mary Lake yn Montana’