oktober 3, 2024
fan Lovis Corinth*
As ridder fan ’t ferline
hold er ’t kulturele heech,
de wearden fan de foarfaars
glommen op it hurde stiel,
de takomst woe er sa beskine.
De takomst briek syn stielen
idealen mei de kriich
dy’t útbriek yn Europa,
wat him streekrjocht rekke yn
de siel, de wûne is nea hiele.
Dochs hold er fêst oan wearden
fan eartiids, heech de banier
om tsjin de takomst yn te
striden, spot waard as in spear
dy’t wanhoop yn it libben kearde.
* Lovis Corinth (1858-1925)
Skilderij ‘Selsportret yn harnas’
oktober 2, 2024
fan ûnbekend*
fan ûnbekend**
Daniël
Fjouwer keningen fan Perzië
regearren oer in grut gebiet,
de fjirde baaide yn syn rykdom,
dêr fersterke er syn macht mei:
‘Ik, Ahasfearos, gean op wei!’
Grutte rykdom, macht, dêrnei geweld,
it leger teach nei Grikelân,
mar rêde ’t net mei macht en rykdom,
Alexander naam syn macht mei:
‘Ik gean foar nimmen út ’e wei!’
Grutte wurden, macht, dêrnei de dea,
it wie mei Grikelân ek dien,
ferdield waard Alexanders ryk yn
fjouwer riken: fan de macht nei
geweld, sa rûn al wer de wei.
* Yllustraasje ‘Ahasfearos’
** Yllustraasje ‘Alexander de Grutte’
