Willem Tjerkstra’s thússide
admin

Telephos

Mytebylden

fan ûnbekend*

Hy wie de soan fan Herakles,
lei earst oan ’t boarst fan Auge,
dy’t yn in kiste sletten waard
en smiten op ’e weagen
fan de see.

Wat barde doe mei Telephos?
Hy wie noch mar in jonkje,
dat him perfoarst net rêde koe;
as fûnling waard er fieden
troch in ree.

As man gie hy de oarloch yn
en focht yn ’t earst foar Troje;
hy trof Achilleus yn de striid
en rekke swier ferwûne,
djip wie de sneed.

’t Orakel joech him dit berjocht:
‘Achilleus sil genêze
de wûne dy’t er stutsen hat.’
Ta freon waard sa de fijân,
help út ’e need.

Byld ‘Herakles en Telephos’



admin

Neoliberale mist

Lyrysk Deiboek

Der is gjin plak om links foarby,
wylst dêr de romte wêze moat
fanwege it klimaatbelied,
dat hinget yn de tsjokke mist,
wat docht de wrâld tekoart.

Wol wiist de swarte pylk de wei
fan jierrenlang it misbelied
fan liberale polityk,
dy’t foar ’t klimaat de eagen sleat,
lykas it wrâldwiid giet.

Gjin aksje, aksje, aksje fan
in blauwe neoliberaal
dy’t liigde om lang oan de macht
te bliuwen; hingjend yn de mist
jout hy in min sinjaal.

Archieven

Zoeken

  • Categorie

  • Datum