Willem Tjerkstra’s thússide
admin

Kever fan Porsche

Skiednisbylden

fan ûnbekend*
fan ûnbekend**

Gjin kever sil de krante helje,
him bejaan by in partij
of earetitels winne,
want sa’n bistke fielt him frij
om op syn wize troch te rinnen.

Lykwols in wein op fjouwer tsjillen,
foarm jûn troch in Ferdinand
mei Porsche nei dy namme,
ried as kever nei de klant,
hy hat him foar dy foarm net skamme.

It wie nei ’t hert fan Adolf Hitler,
dy’t wat mei de kever hie:
in pânser op seis poaten,
’t bist dat foar syn leger stie,
hy hie de kar út sechtich soarten.

Sa fielde Porsche him fereare
mei syn kever foar it folk,
want elk koe dêryn ride;
sels waard hy foar Hitler tolk,
elk hat op eigen wize striden.

* Foto ‘Ferdinand Porsche’
** Foto ‘Kever’

admin

Godlike oardering

Bibelbylden

fan ûnbekend*
Jeremia

De Heare jout de oardering
fan sinne, moanne en de stjerren,
ljocht by dei en ek by nacht,
Hy bringt de see yn ûnstjoer,
weagen litte harren hearre.

De oardering rint altyd troch:
de stjerren, moanne en de sinne
skine klear foar Israel
tenei, de Hear syn naasje
sil mei Him oan oarder winne.

De Hear kin troch syn oardering
de hichte fan de himel mjitte,
ek it ierdske fûnemint
bedjipje, dêrom sil Hy
nea syn eigen folk ferstjitte.

* Yllustraasje ‘Kosmyske oardering’

Archieven

Zoeken

  • Categorie

  • Datum