Pagina 2559 – Willem Tjerkstra’s thússide

oktober 2, 2016

Heech krop

Ut it skûtsje-argyf 1977

Foel it seil fan Siete* slop?
Hy moast der net oan tinke
dat dy Gerritsma it koartsje soe,
dan liet er ’t skip noch leaver sinke.

Dêrom seage hy de kop
earst fan de kont, de boegen
gûlden om’t it skip wol sinke soe,
mar dwerstroch barde op it droege.

Sa’t de skipper stiek it krop
foarút om de prestaasje,
waard it skip wat langer, dat it soe
de striid wol sile mei mear faasje.

Waard it seil fan Siete slop?
Hy mocht mear meters sette,
om’t dy Gerritsma net koartsje koe
fanwege ’t hege krop op ’t wetter.

* Siete Meeter

oktober 2, 2016

Lyrysk Deiboek

De earrebarre is werom,
in flecht út fier Malawi,
oer in donker Afrika,
klepte hy: ‘Ik kom!”

Syn wurkjen dêr wie sûnder rom:
nei ’t bringen fan in baby
oan it keale kreambêd ta,
koed er gau werom.

Hy waard net noege foar in feest,
de reden koed er witte:
dêr yn donker Afrika
hearsket kening Aids.

Doe is it bist nei ’t noarden raced,
hy koed er net mei sitte,
yn Europa, woed er ha,
wie in oare geast.

De earrebarre hat it brocht,
sa hingjend yn it finster,
ta maskotte fan komsa,
feestjend om ‘e nocht.