Willem Tjerkstra’s thússide
admin

Kâld jild

Skûtsjesilen
PDF Print E-mail
Ut it skûtsje-argyf 1986

’t Wie middenyn de winter
mei in skrale eastewyn,
wêr’t simmers skûtsjes sylden,
lei it iis der al dik yn;
foar Earnewâld koe ’t minder.

Image

Dêr streken al de riders
op it iis fan ’t Prinsehof,
dêr’t simmers skûtsjes sylden
en elkenien de oare trof;
foar Earnewâld de striders.

Fiiftûzen striders fochten
tsjin de stive eastewyn,
wêr’t simmers skûtsjes sylden,
holden sy de moed deryn;
foar Earnewâld de rjochten.

It iis koe ’t folk wol drage
oant de fiere einstreek ta,
it Earnewâldster skûtsje
mocht it ridersjild wol ha
mei ’t each op wer de flagge.

Image

admin

Stars en stripes

Skûtsjesilen
PDF Print E-mail
Ut it skûtsje-argyf 1986

Se foeren jierrenlang tegearre,
hiene ’t skûtsje yn de macht,
hy achterop en sy faak foar,
sa ha se ’t klearre.

Image

Mar giet it ta op ’t grutte barren,
dan is ’t mei man en macht,
de iene achter, foar de oar
om hurd te farren.

Dêr komme de Amerikanen
mei wol tûzen tagelyk
foar fjirtjin skûtsjes ûnder seil,
it doek mei banen.
Image
Skilderij ‘Flagge’ fan Jasper Johns

Sy foeren jierrenlang tegearre,
fielden har de wrâld te ryk,
mar fjirtjin wachtsje op it heil
fan tûzen stjerren.

Archieven

Zoeken

  • Categorie

  • Datum