Willem Tjerkstra’s thússide
admin

Bryk machtsfertoan

Skiednisbylden
PDF Print E-mail
fan Adriaen van Diest*

Hy koe net yn de takomst sjen,
mar hie fertrouwen yn de Frânske macht
en ’t oantal, Loadewyk de Fjirtjinde
wie net in kening fan: ik stean op wacht,
mar yn de oanfal, want it kin.

Wa’t leaut as fromme katolyk,
striidt moedich mei, dus oan de Frânske kant,
sa tocht doe Loadewyk de Fjirtjinde,
mar Ingelân keas foar in protestant
en Spanje loek it oantal bryk.

Sa stiene legers rûnom klear,
gjin twivel liet it machtsferbûn bestean:
de wacht oan Loadewyk de Fjirtjinde,
dy’t trochkriich: fierder kin ‘k op ’t lân net gean,
mar wol op see, dêr foar de ear.

Hy hie de grutste oarlochsfloat
fan hiel de wrâld, mar ’t oantal wie beheind
by Hogue, doe’t tolve skippen rekken lek,
sa waaard de eare fan de kening skeind,
it machtsfertoan foel dêr oerboard.

Image

* Adriaen van Diest (1655-1704)
Skilderij ‘Seeslach by La Hogue’

admin

Glorieuze kening Willem

Skiednisbylden
PDF Print E-mail
fan Godfried Schalcken*
fan Ludolf Bakhuizen**

Image

Kin in jonkje fan de Republyk
behalve prins ek kening wurde?
Willem hearske yn it grutte ryk,
hy wie troch mannich striid behurde.

’t Koe allinnich troch syn oare helt
út Ingelân, de kreaze dochter
fan de roomske kening, mei geweld
sa spile hy foar heechste rjochter.

Kening, mar dan wol as protestant:
de glorieuze revolúsje,
skoanheit kening ôf, gjin triennen, want
yn Willem hie it lân fidúsje.

Mar hy wie ek fan dat oare lân,
soe hy syn bertegrûn ferjitte?
Yn de winter, lânend op it strân,
ried hy syn folkje yn de mjitte.

Image

* Godfried Schalcken (1643-1706)
Skilderij ‘Portret fan Willem III, prins fan Oranje’

* Ludolf Bakhuizen (1630-1708)
Skilderij ‘Oankomst fan Willem III’

Archieven

Zoeken

  • Categorie

  • Datum