Archive for the Skiednisbylden category

’t Wie oarloch, mar de hannelsfloat
foer feilich nei ’t noardeasten
mei sân linyskippen board oan board,
’t wie frede tusken beide geasten.

Oan bakboard brûsden skippen oan
yn liny en mei faasje,
lûde knallen klonken op ‘e toan
fan stride foar de Britske naasje.

De seeslach by de Doggersbank
hie winner noch ferliezer,
mar de hannelsgeast brocht God de tank,
it laadsje lykwols waard net wizer.

De striders wol: metaal en wurd:
Troch oarloch wurdt it frede.
Kriich de oarlochsgeast in lange sturt
fan wolfeart? ’t Folk hie meast de neden.

* C. Bogerts (1745-1817)
Skilderij ‘Slach by de Doggersbank’

It wie omdat de Republyk
syn steun joech oan rebellen
yn Amearika
dat Ingelân joech fûl replyk,
hie ’t lege lân wat te fertellen:

In kistke mei ’t geheim ferdrach
is út it wetter helle:
oan Amearika
ferliende ’t lege lân gesach,
sa wurdt ús dat besit ûntstellen.

En boppedat is ek bekend
de smokkel fan gewearen
nei Amearika,
wat yngiet tsjin de fredestrend,
it lege lân moat striden leare.

Omdat jim steat wol net omlyk,
ferklearje wy de oarloch
oan de Republyk.

* Phillips Melville
Skilderij ‘Earste offisjele salútskot
oan de Amerikaanske flagge’