Archive for the Skiednisbylden category

De wittenskippers foeren mei
foar piramide, sfinx en tekenskrift;
Kaïro joech gjin kaai,
mar wurke fjurrich tsjin:
it folk fan Allah, op ‘e drift,
socht yn geweld de heechste sin.

De Frânsman sloech de opstân del
en bûn de Mamelukken oan it tou,
spriek har doe freonlik ta:
‘Gjin swurd en sels gjin sel,
jim meie nei de bern en frou,
want tsjinsin moatte wy net ha.’

* Pierre Narcisse Guérin (1774-1833)
Skilderij ‘Bonaparte ferjout de opstannelingen
fan Kaïro op it El-Bekirplein’

De Frânske float op Ierlân ta?
Sa waard de fijân slim betize,
want Egypte moast de foarkar ha,
’t ferline soe de takomst wize.

De float kaam yn Egypte oan,
it lân fan sfinks en piramide,
’t hege hoannelûd joech oan de toan
yn wittenskip en ’t fûle striden.

It hynder brocht Napoleon
nei ’t riedsel fan de stiennen frouliuw,
ien plus ien wie twa, wist sy derfan
dat hy sa machtich wie as manliuw?

* Jean-Léon Gérome (1824-1904)
Skilderij ‘Bonaparte foar de sfinks’