Kom op, jim bern fan ’t heitelân,
de dei fan gloarje brekt hjoed oan,
dus fuort mei alle pommeranten,
stjit de kening fan de troan,
lang libje sil de boargerstân!

Sjoch hoe’t it folk mei stoarmgeweld
oer withoefolle liken rint,
de jonge mei syn twa pistoalen
balt dat hjoed de frijheid wint,
allinnich ’t leave libben telt.

De leafde fan it boppeliif
giet út nei de gewoane man,
hear ’t klappen fan de trikoloare;
doch de adel yn de ban,
sa balt it bleateboarstewiif.

En dêr komt oan de boargerfoarst,
de man dy’t Frankryk rêde sil,
syn namme is Louis Philippe,
harkjend nei de Frânske wil,
mar dy’t úteinlik wike moast.

* Eugène Delacroix (1798-1863)
Skilderij ‘De frijheid dy’t it folk liedt’