Willem Tjerkstra’s thússide

Archive for the Skiednisbylden category

admin

Pragmatike Sanksje

Skiednisbylden
PDF Print E-mail
fan Martin Meytens*

Emansipaasje wie gjin regel
trijehûndert jier ferlyn:
in dame op ‘e troan… nee, tanke,
dan hellet oan de agressive wyn,
mar keizer Karels segel
kaam op ‘e Pragmatike Sanksje:

Us Eastenryk fertsjinnet letter
nei myn dea in goed regear,
in dochter op ‘e troan… jawis wol,
sy stiet as frou ek foar de naasje klear…
is dan in kening better?
De praktyk sil ’t leare, sa is ’t al.

Teresia, dêrfoar Marije,
berne nei heit syn ferdrach,
wie broerleas, waard dus keninginne;
sy droech de kroan mei eare en gesach,
mar koe de striid net mije:
de stoarm striek oer Europa hinne.

Image

* Martin Meytens (1695-1770)
Skilderij ‘Marije Teresia fan Eastenryk’

admin

Simon van Slingelandt

Skiednisbylden
PDF Print E-mail
fan ûnbekend*
Image

Wa ken no noch Van Slingelandt,
it jonkje fan in Dordsk regint,
syn foarming yn deselde trant
ferrûn nei winsk… hy waard bekend.

Hy wie betûft en wurke hurd,
koe ek wol oer in goede grap,
in man dy’t feardich wie mei ’t wurd,
sa klom er heger, stap nei stap.

Earst waard er Hollânsk advokaat,
doe skriuwer fan de Rie fan Steat,
yn oarlochsjierren diplomaat,
de Frânske kening die him neat.

Fan sinten hied er ek ferstân,
besunigje dat lei him wol
de krisis troch yn ’t lege lân,
de kiste rekke sa wer fol.

As pensjonaris fan de rie
berikte hy de heechste post,
in man dy’t foar syn wurden stie,
regearre as regintefoarst.

En doe’t er op syn stjerbêd lei,
kaam noch de Frânske kardinaal,
hy naam foar him wurdearring mei,
al wie it yn in frjemde taal.

Wa ken no net Van Slingelandt
dy’t opklom ta it heechste amt,
hy hie syn netwurk oeral spand
en libbe yn datselde ramt.

* Portret fan Simon van Slingelandt

Archieven

Zoeken

  • Categorie

  • Datum