maart 12, 2017
fan ûnbekend*
fan ûnbekend**
As ’t westen giet foar supremaasje,
sjocht yn hannel inkeld jild,
dan komt it fiere easten yn ferset
en stelt foar ’t machtswurd oer syn wet,
de baas yn eigen naasje.
Gerjochtichheid hat bleate fûsten,
omdat dan de boksstriid jildt:
Sineeske Bokseropstân tsji n de rest,
religy tsjinne as in test:
ûnkwestber troch de knûsten.
De frjemdling kriich de hurdste klappen,
sa’n fiifhûndert kamen om,
in omslach nei de eigen naasje earst,
de kristen wie it lilke bist,
hy koe net mear ûntsnappe.
Acht lannen yn in alliânsje
kamen op Sineesk gebiet
foar ’t brekken fan de fûsten, want geweld
is ’t iennige wat dan noch telt,
foar hannel de garânsje.
* Foto ‘Bokser’
** Foto ‘Troepen fan de Achtlanne-alliânsje yn Peking’
maart 5, 2017
fan ûnbekend*
fan ûnbekend**
Transfaal, it lân fan goud en Boeren
wurke foar de Britten as magneet,
sjedêr wer kolonisten
mei har easken by de fleet…
wa soe Transfaal bestjoere?
In steatsgreep en in konferinsje
dy’t mislearre, folge troch geweld,
oerwinnings foar de Boeren,
mar de lêste klap dy telt:
Transfaal koe neat mear winskje.
In kriminele konsintraasje
fan de Boerefroulju mei har bern
yn kampen fan de Britten;
foar de Boeren wie ’t ferlern,
de ein fan harren naasje.
* Foto ‘Boerekommando yn de Twadde Boere-oarloch’
** Foto ‘Konsintraasjekampslachtoffer Lizzie van Zyl’