Willem Tjerkstra’s thússide

Archive for the Lyrysk Deiboek category

admin

Skiednislearaar

Lyrysk Deiboek
PDF Print E-mail
Ik kom der alle sneinen lâns,
it paad dêr’t eartiids jagers rûnen
foar’t trekskip dat de riezgers brocht
fan Snits nei Ljouwert, dêr’t se fûnen
bestimming foar har guod, ferkocht
sa dat se dêr mei glâns op wûnen:
it jaachpaad, skiednis yn balâns.Image

Dêr fart in pontsje oer de feart
fan jaachpaad nei it hôf mei wente,
dêr’t hy dy’t my doe skiednis joech,
as Adam libbenstwigen inte
oant ’t wrede needlot harren sloech,
dat út balâns brocht en gjin rinte,
syn frou glied út en foel ferkeard.

Image

Noch glydt dat pontsje oer de feart,
in libben lutsen troch de wiken,
bytiden licht, mar meastal swier,
in Adamshôf dat net mear liket
op ’t paradys mei Eva’s blier
belutsen aard, dat him ferrike…
syn skiednis hat ferlies oanleard.

Image

admin

Hoop foar Ysbrechtum

Lyrysk Deiboek
PDF Print E-mail
De loft wie swier fan wetter,
gewicht dat spatte del
op statebosk en tsjerke
fan alle kanten wel,
dy’t kolkte en net folle letter…

Image

… riisde ’t peil fan sleat en feart
by wynstil waar ynienen
spegeljend de wolkeloft,
ynliste tusken griene
reiden en it duorre net sa’n skoft…

Image

… as op ‘e diken streamde
it folk nei feilich oard,
de lêste klom nei boppen,
hy miste bus en boat
en siet op hege toan te roppen…

Image

… oant de himel klearre op,
ien wolk noch, yn in lôge
kleurjend read nei violet
en sjoch hoe’t beide bôgen
ha beskaafd de hege status set…

Image

… mar heger noch as state
stie slank de tsjerketoer
en hat doe net de bôge,
al wie it mar fan koarte doer,
de hoop foar hiel Ysbrechtum skôge?

Image

Archieven

Zoeken

  • Categorie

  • Datum