Willem Tjerkstra’s thússide

Archive for the Lyrysk Deiboek category

admin

Swingende kleuren

Lyrysk Deiboek
PDF Print E-mail
Image

Se binne fan de stam ôfsnien,
de lidden dy’t it offer bringe
foar it nije libben dat mei grien
de maitiid kleurje sil, nei’t triedden
giel en read, bewegend op ‘e wyn,
it stomoal útstruid ha en swingend
noch wat dûnsje as it neispul yn
in tiid dy’t siket om de midden
fan in kâlde nacht en sinneskyn…

Image

… en yn de moarntiid leit ynienen
op it paad wat hat it swingend dien,
wylst snie besiket al it griene
fan de wrâld te wiskjen, mar ’t is skyn:
de kleuren sille ’t wyt ferkringe.

Image

admin

Barre tiid

Lyrysk Deiboek
PDF Print E-mail
Se binne weidûkt foar de nacht
fan kleare loft dy’t brocht de froast
mei ryp nei ’t gers dat yn de dracht
fan wite wale stiif bestoarn
gjin libbensteken mear besocht
te jaan, mar wachte op ‘e moarn
om as dekôr te tsjinjen foar
’t ferskaat oan kleuren yn it ljocht
fan kleare loft dy’t waarmte bringt,
omdat de maitiid is oan bar.

Image

Archieven

Zoeken

  • Categorie

  • Datum