Willem Tjerkstra’s thússide

Archive for the Keunst category

admin

Skippen op see

Keunst
PDF Print E-mail
fan Jan van de Cappelle*

Image

Wat is de see oars as de romte
dêr’t matearje weaget en op fart
en ’t skipsfolk fjochtet foar syn part
de dagen troch, foarby de kromte.

Dat is de driuw nei wer dy fierte
yn ferwachting fan it aventoer
en giet de berte hookstrooks oer,
dan kin dat folk it dochs net litte.

Sa lit de geast op see har bine
oan matearje dy’t gjin grinzen ken
en as der berne wurdt in bern,
dan bliuwt dat bûn oan syn ferline.

Dus dichtet Jan van de Cappelle
stimmich ’t seegemoed op stoffen doek;
de wolk dy’t nei de fierte lûkt,
lit dy fan harmony fertelle.

* Jan van de Cappelle (1626-1679),
in autodidaktysk skilder út Amsterdam,
sammele in grut tal keunstwurken.


admin

Stoarmwaar by Dordrecht

Keunst
PDF Print E-mail
fan Albert Cuyp*

Image

It koe noch wol, de bui wie fier
noch fuort en Dordrecht riisde op;
de seilen foelen tiden slop,
de skipper spande ek gjin spier.

Ynienen kaam de wyn deryn
en wolken wâlen withoeheech,
wylst twirren foelen fûl omleech,
de wjerljocht flitste eagen blyn.

It koe noch net, ’t wie legerwâl
sa’t Dordrecht yn de lichte lei;
de hichte sykje wie de wei,
it spande, want it wiisde mâl.

Hy seach it mei it skilderseach
en joech de striid mei spanning wer,
liet boppe wetter allegear,
syn kleuren waarden net ta pleach.

* Albert Cuyp (1620-1691)
wenne syn hiele libben yn Dordrecht
en makke fan de stêd oan de Maas
in tal skilderijen.


Archieven

Zoeken

  • Categorie

  • Datum