Kin in skilder dichtsje
op it doek mei kleur en foarm?
Lit him in myte kieze
mei in barren as in stoarm,
dan sil syn boarne rize.

Soe de see net rize
troch de hertstocht fan god Zeus
dy’t weage nei in kreaze
faam, gjin each foar dizze reus,
Europa hie al keazen.

Mei in god wol rôvje
mei it each op wat er is?
In god is neat tefolle,
dus wist Zeus wol rie en wis,
hy rôve har as bolle.

* Titiaan (sirka 1485-1576),
in Italiaanske skilder,
makke yn opdracht
fan kening Filips II
sân mytyske skilderijen.