juli 6, 2024
fan ûnbekend*
Daniël
It wie foar Daniël net klear
wat elkenien te wachtsjen stie
dy’t yn betizing rekke
troch de keninklike dream.
Dus sette hy nei Arioch,
dy’t liifwacht fan de kening wie,
en rekke op ’e hichte
fan wat har te wachtsjen stie.
Doe gie hy nei de kening ta
en pleite foar in romme tiid
om ynsjoch yn de dream te
krijen, wat him tastien waard.
Hy sette nei syn maten ta
en brocht har op ’e hichte, die
it foarstel om te smeken
om begrutsjen mei har lot.
Dy nacht kriich Daniël de dream
foar eagen, wat de útlis wie,
liet God him ek klear witte…
heech te priizjen wie de Hear.
* Yllustraasje ‘Daniël’
juli 5, 2024
fan ûnbekend*
Daniël
Wa kin in dream nei boppen bringe
fan in foarst dy’t hjiroer swijt,
yn Babel steane heale wizen
yn de troanseal, nei de dream benijd.
Nebûkadnessar liet lilk witte:
‘Wa’t de dream wit, is earst wiis,
de dream sil nei de útlis wize,
wa’t fertelt de helte, krijt gjin priis.
De heale wizen lieten witte
dat gjinien koe sûnder dream
de útlis oan de foarst fertelle…
wa’t fan wetter wist, joech oan de stream.
De kening wie mar min te sprekken
dat de dream net boppe kaam,
de heale wizen koene telle
harren dagen foar’t hy ’t libben naam.
Wa kin de dream nei boppen bringe
mei de wiisheid yn it hert
dat iepenstiet foar wat fan boppen
komt, in oare wize is der net.
* Yllustraasje ‘De dream fan Nebûkadnessar’