Willem Tjerkstra’s thússide

Archive for the Bibelbylden category

admin

Anonym bloed

Bibelbylden
PDF Print E-mail
fan Gustave Doré*

Twa kenings sleaten in ferbûn:
Josjafat en Achab
teagen op tsjin Aram yn de striid,
mar ’t wie net wis wa’t tsjin de jûn
noch libbe nei de fredestiid.

Ien kening wiksele fan klean,
foar himsels strategysk,
omdat Achab bang wie foar de dea,
dus seach er Josjafat net stean,
mar fallen yn it oarlochsgea.

Ek Arams kening hie in plan:
tsjin allinnich Achab
moast de oanfal rap de trochslach jaan,
mar Josjafat waard doe de man
dy’t skreauwend yn de knipe kaam.

Doe fleach in pylk op goed gelok,
mar foar Achab minder,
tusken pânser en ferbiningsstik,
wa’t anonym woe, kriich in skok
en kening Josjafat de skrik.

Foarst Achab libbe oant de jûn
mei in djippe wûne,
wylst de striidwein kleure read fan ’t bloed,
dat slikke waard troch mannich hûn,
gjin kriger brocht in lêste groet.

Image

* Gustave Doré (1833-1883)
Tekening ‘De dea fan kening Achab’

admin

Nei de moard

Bibelbylden
PDF Print E-mail
fan Cornelis Jetses*

Gjin prakkesaasjes oan de kop,
de kening stapte dus tefreden,
’t boarst foarút en heech it krop,
as wied er yn it hôf fan Eden.

Elia harke nei de rop
dy’t spriek fan ûnrjocht, skeinde frede:
‘Sprek tsjin kening Achab op
oer moarderij yn ’t hôf fan Eden.’

Image

De kop fan Achab kleure read
doe’t hy syn fijân seach, de tinzen
kamen wer: profeet fan neat,
in foarst hie rjocht op eigen grinzen.

Mar hûnen wisten fan gjin grins,
sy hiene Nabots bloed opslikke,
’t wie itselde: boer of prins,
se koene ek in foarst berikke.

By Achab kearde grutskens om
nei rou, in sek kaam om him hinne,
bûgde holle, rêch wat krom,
sa koe de kening ek wol rinne.

* Cornelis Jetses (1873-1955)
Yllustraasje ‘Elia set Achab teplak’

 

Archieven

Zoeken

  • Categorie

  • Datum