Willem Tjerkstra’s thússide

Archive for the Bibelbylden category

admin

Obed

Bibelbylden
PDF Print E-mail
fan de Frânske Skoalle*

It wie yn Betlehem, de poarte,
dêr’t Boäz losser waard,
wat hat ta trochgong laat
nei ’t bern dat dêrby letter boarte.

Image

Fan woddo út ‘e fiere frjemdte
waard Ruth yn ’t Breahûs mem,
har blidens wie te sjen
om ’t bern yn heit syn romme wente.

Noömy hiet net langer Mara,
want bitterens hie west,
foar beppe wie it bêst,
mei lytse Obed soe it barre.

Image

* Frânske Skoalle (13e ieu)
Yllustraasje ‘Berte fan Obed’
Yllustraasje ‘Noömy mei it bern en de oare froulju’

admin

Ruths wierheid

Bibelbylden
PDF Print E-mail
fan de Frânske Skoalle*

Op mem Noömys sizzen
makke Ruth har op en klear
om del te gean nei Boäz, boer en hear,
en oan syn fuottenein te lizzen.

Image

De terskflier, dêr soe ’t barre
nei it wynjen fan it koarn:
in feestlik miel, dan sliepe oant de moarn,
want troch de rispinge wie sparre.

Doe’t Boäz lei te sliepen,
makke Ruth har rêstplak op,
fernaam oant middernacht har herteklop,
die út en troch de eagen iepen.

Image

Om wekker fan te wurden:
lei in frou oan ’t fuottenein?
De wierheid waard him oer it lossen sein,
’t wie nei Noömys wize wurden.

It is der doe fan kommen:
wa’t earst fêst siet, rekke los,
in faai bestean kaam yn in flinke pas,
it libben waard foargoed ferromme.

* Frânske Skoalle (13e ieu)
Yllustraasje ‘Ruth sliept oan it fuottenein fan Boäz’ 

Archieven

Zoeken

  • Categorie

  • Datum