Dissidint

november 2, 2016

Wa’t it oandoart, is in fint,
allinnich stean yn it bestean,
dwers tsjin de kliber yn te gean,
sjedêr de dissidint.

Smoarhjit is ’t yn Aldegea,
dêr’t swarten falle fan it dak,
ek swarten nimme har gemak,
gjin libben yn de lea.

Allegearre mei de kop
nei foaren, keppel yn it swart,
gjinien dy’t mei it grien wat hat,
de enerzjy is op.

Oer de kop en rêch berint
it brún de greide stap foar stap,
gjin each en ear foar hiel dy hap,
sjoch hjir de dissidint.

Recente berichten