juni 16, 2026
fan ûnbekend*
Hoe lang hjir stiennen lizze
en hoe’t se oanfierd binne,
hieltyd jout de brâning lûd,
mar kin neat sizze.
Wol kin it dat de stiennen
in beamke groeien seagen,
wat unyk is yn dit gea,
it bleau allinne.
Wa’t harket nei de weagen,
it rûzjen fan de blêden,
nei it gûlen fan de wyn,
heart nea in leagen.
Men heart en sjocht yn gearhing:
in harmony fan lûden
jout mei bylden ’t kleare sicht
op de ferklearring.
* Foto ‘Murlough Bay, Noard-Ierlân’
juni 7, 2026
Dêr leit er nei de fal,
ien fan de heechste beammen
naam tefolle romte yn,
ferkrong wat net mear groeie koe,
út is syn hearskersrol.
De stamheit hearske oer
syn soannen en syn dochters,
hold de oarder der strang yn,
ferkrong de eigen frije wil,
syn libben hie gjin doer.
Dêr leit er nei de fal,
ien fan de âldste heiten
naam tefolle romte yn,
ferkrong it plak fan eigen bern,
út is syn hearkersrol.
Foar dea leit op ’e grûn
ien fan de hege hearen
dy’t fermoarden, dôf en blyn
foar rjocht, de Palestynske bern,
de deastraf is him jûn.