Willem Tjerkstra’s thússide
admin

Stekkend liet

Bibelbylden
PDF Print E-mail
fan Nicola Vaccaro*

Image
detail

De reuzeslach wie slein
troch David foar syn foarst,
dy’t optein oan de ein
joech him de stok foar ’t boarst.

De froulju kamen rap
fan ’t lân en út ‘e stêd,
se dûnsen op ‘e klap
fan trommen, fluch fan trêd.

Se songen ek in liet
fan tûzen foar de foarst,
mar David stiek yndied
tsientûzen yn it boarst.

It liet stiek Saul yn ’t hert,
in slach djip yn syn geast,
troch tûzenen beset,
want David hie it meast.

* Nicola Vaccaro (1634-1709)
Skilderij ‘David wurdt ynhelle troch de fammen’

admin

Kopslach

Bibelbylden
PDF Print E-mail
fan Caravaggio*

Fiif stiennen kamen út ‘e stream
fan leauwen dat it mooglik is,
hoe faak hie David al in dream
fan syn ferwachtings, wrachtich wis.

Fiif boeken ha it him ferteld
dat Mozes leaude yn it lân
dêr’t elk syn goede jeften telt
op grûn fan in besield ferbân.

Ien stientsje út syn hoederstas,
it leauwen dat it mooglik is,
lit David út ‘e slinger los,
it sûzet fuort, syn doel is wis.

Ferwachtings wurde wrachtich wier,
de krekte rjochting is gjin gok,
al is de ôfstân noch sa fier,
it leauwen wint it fan de flok.

Image

Ien slach, de siken streame fuort,
de kop is skieden fan de lea
troch David ta syn fijâns spot,
’t jûchhei klinkt oer it hiele gea.

Image

* Caravaggio (1571-1610)
Skilderij ‘David mei de holle fan Goliat’

Archieven

Zoeken

  • Categorie

  • Datum