Willem Tjerkstra’s thússide
admin

Betocht ferhaal

Bibelbylden
PDF Print E-mail
fan Hans Holbein*

Image

Sa krige David dus syn soan werom,
de moardner Absalom,
troch ’t frommeske út Tekóa
op oanstean fan de generaal,
want Joab woe op frede ta
mei syn betocht ferhaal.
De wize frou fertelde it ferhaal
fan Joab yn har taal:
se wie in widdo yn de rou
oer har twa soannen, ien al dea,
de oare, moardner, stoar al gau,
de deade heit ta skea.

De wize foarst beharke yn ’t ferhaal
in boadskip, har moraal
fan kenings jierren yn de rou
oer Absalom, foar heit al wei,
mar libben troch de flinke frou
dy’t doe de wierheid sei.

Sa krige David dus syn soan werom,
de moardner Absalom,
troch ’t frommeske út Tekóa.
* Hans Holbein (1497/98-1543)
Houtfyk ‘Wize frou út Tekóa yn petear mei David’

admin

Wraak op Amnon

Bibelbylden
PDF Print E-mail
fan Bernardo Cavallino*

Heit David seach frjemd op
doe’t Absalom him noege
mei te gean nei ’t skieppeknippersfeest,
mar David seach tsjin ’t reizgjen op,
syn âlde lea ha swierder woegen.

Dochs Absalom woech ôf
syn kâns op wraak foar Tamar,
dy’t troch Amnon skandlik oantaast wie,
hy woe foargoed fan ’t barren ôf
en fan syn broer, mar ’t gie net samar.

Image

Hy droech syn feinten op
om Amnon om te bringen,
wylst de keningssoannen wiene oan
de drank; sy folgen ’t sizzen op,
der kaam in ein oan ’t dronken springen.

It gie troch ’t hiele lân:
de dea fan kenings soannen,
dat heit David lei yn djippe rou,
in omkesizzer briek de ban:
op ien nei libben alle mannen.

Dochs Absalom woech ôf
syn kâns om te ûntkommen
oan de wraak fan wa’t fan Amnon hold:
by pake kaam er net yn ’t nau,
mar eigen rjocht waard ta it kromme.

* Bernardo Cavallino (1616-1656)
Skilderij ‘De moard op Amnon troch syn broer Absalom’

Archieven

Zoeken

  • Categorie

  • Datum