Willem Tjerkstra’s thússide
admin

Net fleksibel

Lyrysk Deiboek
PDF Print E-mail
It meunster riist yn wolkdracht op
en jaget driigjend op ús oan,
de bek wiid iepen yn syn kop,
grimmitich eagjend, stoarmfertoan.

Image

Hy spuit de stoarm kokhalzjend del,
in kleurleas jeien oer it wiet
dat mei fleksibel fâldrich fel
gjin wjerstân oan it meunster biedt.

Image

Wannear’t de sturt noch swypke hat,
riist yn it easten wer de dei
dy’t sicht jout op it bûgend lot
fan beareklau nei rjocht op wei.

Image

Fleksibel en nei bûgen rjocht,
it is net oan de flinter jûn,
syn wjukken fleagen út ‘e bocht,
wy ha ien op ‘e planken fûn.

Image

admin

Seven-up ballade

Lyrysk Deiboek
PDF Print E-mail
De roeiboat leit yn ’t sleatsje
oan ‘e ein, tichtby de dyk,
mei foar de boech in flesse
seven-up, heal yn it slyk,
sa út in bernebledsje.

Image

’t Ferhaal giet oer in jonkje
bûtenbern, in jier of sân,
miskien hjit er wol Jesse,
komt er út it klompelân
fan stadichoan, sa’n gonkje.

Dy Jesse brûkt syn klompen
hiel oars as de measte bern
dy’t inkeld deryn rinne,
mar it is him oan te sjen
dat hy se útdocht om te…

…  betinken hoe te farren
mei de boat it sleatsje út
en wêr sil hy dan hinne,
west of east of noard of súd,
de flesse wiist de marren.

Image

Hy makket yn sân hasten
in mêst foar seil en fok,
mar hoe kin hy dy meitsje
sûnder gatten yn de sok,
wat jaget mem op kosten.

Gjin sok, gjin túch, wol riemen,
spierballen as kabeltou
om fierderop te reitsjen,
earst nei Gau en dan nei Grou,
de flesse wiist de kimen.

Image

Us Jesse, wurch fan ’t roeien,
fantasearret fierderop:
hy wol wol skipper wêze
op in skûtsje, sylt op kop
en skraal om alle boeien.

Mar fjirtjin dagen sile
fynt de flesse grif net goed,
hy sil it briefke lêze:
‘Jesse, sit mar net yn noed,
do silst dy stjoerman fiele.’

Sa triuwt ús feintsje Jesse
bakken fan wa wit hoe grut
dy’t net yn ’t sleatsje passe,
dat wa hat it lêste wurd?
De flesse seven-up.

Image

Archieven

Zoeken

  • Categorie

  • Datum