PM-ferhaal

Grien-read, de kleuren fan de trochgong
foar de skippen yn ’t PM-kanaal
om troch te farren nei de haven,
soms hat ien in oar ferhaal:

‘Ik ha ferlet om oan te lizzen
foar de nacht yn myn PM-kanaal,
it grien lit frije tagong witte,
ik ferstean de kleure-taal.

Dus hise ik de Fryske flagge
mei de pompeblêden yn it read,
ik ha mei blau-wyt frjemde streken…
is myn oanlis sa ferkeard?

Ik hear net yn de stille haven
fol mei grize boaten board oan board,
’k lis leaver oan by myn prinsesse…
bin ik dêrom idioat?

Ik ha neat mei de wetterplysje,
mear mei favoryt Prinses Margriet
kanaal, dat sil my altyd boeie…
myn ferhaal woe ’k efkes kwyt.’