Ik fiel de frijheid fan de fierte,
tink hjir bin ik bern oan hûs
en kin it frijút fleane litte
lykas Niels fier op syn goes.

Hy hoecht de fierte net te mjitten,
sjocht it doarp yn boartersljocht
en mei de namme Tirns ferjitte
as syn goes mar fierder fljocht.

Hoe kin ik frijút fierder fleane
as de swierte oan my skuort
fan muontsen dy’t noch altyd meane
Thabors gers en sûnden fuort?