Bullguard

admin

oktober 18, 2016

Bullguard

Dy nacht koe net mear stikken,
jagen se der alles troch,
mar ien dy jage it derút;
de jongste hold de wacht, mocht kicke
op syn cola en kroketsje noch,
patatsje oarloch ta beslút.

Hy hold de wacht oer bollen,
bullguard stie op ’t wite shirt,
in earenamme foar de kick;
hy hold behalve wacht de holle
koel en hearde net de namme nerd,
behalve jong wie hy ek dik.

Dy nacht wie neat tefolle,
stikken gie it halterút,
gjin harsens wachte op ‘e bus;
de bullguard wachte wol op bollen,
mar dy loeken him it kickshirt út,
wol stikken koe syn namme dus.