Hy wist se kamen suver alle dagen
mei har beiden nei it park
en wuollen har yn ’t wite kleed,
hysels besocht it mei syn ark
as held yn Grykske sagen.

Hy lei syn skerpe pylk op rûne bôge,
seach der as in earn bylâns
en fielde alle spieren spand,
it hert sloech: reitsje dizze kâns
en ’t fljocht yn ljochte lôge.

* Alfred William Finch (1854-1930),
fan berte in Belch,
reizge nei en wurke yn ferskate lannen
en hold û.o. eksposysjes yn Finlân.