Hat de tiid de helden makke
dy’t ea fochten om in frij bestean
om fierder troch de ieu te gean,
ienfâldich ûnder lege dakken.

Sjoch de held dêr op ‘e hichte,
ieuwen letter hakke yn de foarm
fan nasjonale ear, de noarm
fan wat de skiednis earder dichte.

Held Ambiorix, de strider
tsjin âld Rome, machtiger gjin ryk;
de fjochter waard lykwols gjin lyk,
syn eachweid sloech er proastich wider.

Hat de tiid de lju fergetten
dy’t ea skeaten út ‘e fuorgen wei,
net wis fan wer in nije dei,
sy binne nei de djipte setten.

* Jules Bertin (1826-1892)
makke bylden fan de Romeinske tiid,
mar ek fan de Frânsk-Dútske oarloch.