mei 26, 2023
fan ûnbekend*
It is gjin keppel op ’e flecht
yn Afrika foar liuwen,
bisten dy’t foar lykwicht soargje,
ekologysk dwaande, sa’t men seit…
de fraach is wat is ’t echt.
De ikebeammen steane fêst
yn Badajoz yn Spanje,
ek sy soargje foar it lykwicht
mei de ikels foar de wylde baarch,
sa dogge dy har bêst.
In keppel beammen bliuwt yn stân
foar bisten om te fretten
ekologysk fan de fruchten:
bio freget om diversiteit,
natoer yn hecht ferbân.
* Foto ‘Ikebeammen yn Badajoz’
mei 19, 2023
fan ûnbekend*
‘Rich Lake tusken beammen
dy’t weagje oer de bergen hinne,’
sa waard songen yn de steat New York,
mar en bosk, twa ierdske memmen.
Sa woe stammem Ierde
ha, libje ûnder jim heit Sinne,
lykwicht is ’t paroal yn de natoer…
koe it minskdom dat ek biede?
Beammen waarden kappe
om foar ’t bouwen hout te winnen,
wat it lykwicht mei de mar ferbriek,
beide memmen krigen klappen.
Poer wie stammem Ierde
op minsken dy’t net bouwe kinne
sûnder ôf te brekken de natoer
dy’t de steat mei beammen sierde.
Mar it byld feroare
mei ’t plantsjen om sa wer te winnen
bosk, de mem fan fûgels yn de beam,
fisken sprieken oan de oare.
‘Rich Lake tusken beammen
dy’t weagje oer de bergen hinne.’
Mar en bosk besongen de natoer
as in koar fan tûzen stimmen.
* Foto ‘Rich Lake yn de steat New York’