Archive for the Skiednisbylden category

Lit de boer syn azem wije
oan de goaden fan de Nyl
foar’t hy de oksen bynt;
hy mei it wurk wol lije,
om’t de ploech de eker wynt.

Lit syn frou it offer drage,
want sa jout se azem oan
de goaden fan it lân
as tank foar folle magen,
elk hat syn gerak wer hân.

* Muorreskildering ‘Ploegje mei oksen’
(sirka 1550-1069 foar Kristus)

* Beskildere kalkstien ‘Offerdraachster’
(sirka 2040-1640 foar Kristus)

Syn hannen wifken net doe’t dy de
ierdekleuren strieken op ‘e wand,
it wyld kaam stadichoan yn byld,
de bûgde kop, de spieren spand,
sy ha har libben mei him dield.

* Tekeningen mei ierdekleuren
yn de grotten fan Altamira
(16.000-9000 foar Kristus)