Archive for the Skiednisbylden category

Heech yn de bergen stiet syn byld:
Lanzon, de haadgod fan Chavin,
milennia al lyn;
’t klimaat is op dy hichte bar,
mar hjoeddedei fynt men noch sin
yn Chavin de Huantar.

It plein wie foar ’t gewoane folk
dat opseach by de hege god,
fan bûten net te sjen;
it bûgde djip, der wie gjin kar,
Lanzon gie oer it libbenslot
yn Chavin de Huantar.

De hegerein mocht fierder gean,
yn ’t djipste fan it stiennen hol
dêr’t Lanzon rjochtop stie;
troch djippe yndruk yn de war
betelle elk de heechste tol
yn Chavin de Huantar.

Foto’s út ‘Schatten van de Inca’s’ (Jeffrey Quilter)

* Timpelkompleks yn de bergen fan Peru

De keizer hold fan rappe dieren,
hynders fjouweren troch ’t hiele ryk
en sleepten wredens mei;
it byld bleau frij fan bloed en lyk,
wat deale, sjitte, gjin fersiering!

Ien skilder waard troch ûnrjocht finzen,
Huang Gongwang, ek pryster yn syn ryk
fan bergen, op ‘e wei
fan meditaasje, syn gelyk:
Sinezen wiene dochs ek minsken.

* Zhao Mengfu Zhao, skilder ûnder
de Mongoalske Yuan-dynasty (1279-1368)

* Huang Gongwang, finzen skilder
ûnder de Yuan-dynasty