Willem Tjerkstra’s thússide

Archive for the Skiednisbylden category

admin

Tenochtitlán

Skiednisbylden
PDF Print E-mail
fan Diego de Rivera*

Image
detail
Ut ‘De conquistadores’ fan Michael Wood

Tenochtitlán, stêd fan juster,
grutter as hjoed Ljouwert is,
bewenne troch Azteken,
dy’t libben tusken wif en wis,
de Spanjaard brocht foargoed it tsjuster.

Tenochtitlán, piramide
fan de sinne, heech en djip,
in wûnder foar de leken
sa tusken eufory en dip,
de Spanjaard brocht har oare tiden.

Tenochtitlán, bûnt fan minsken,
stribjend nei it heechste lok,
de sinnewei as teken,
in libben tusken god en gok,
de Spanjaard hie syn eigen winsken.

Image

* Diego de Rivera (1886-1957)
wie in Meksikaanske skilder,
dy’t de muorreskildering
yn it Nasjonale Paleis
yn Meksiko-stêd makke.

admin

Kulturele macht

Skiednisbylden
PDF Print E-mail
fan Yan Liben*
fan Han Gan**

Krijt in foarst de keizerskroan,
dan wolle lytse hearskers wol omlyk,
se bûge foar Taizong syn troan,
dè hearsker oer ’t Sineeske ryk.

Macht is mear as polityk,
lûkt likegoed kultuer nei it paleis,
de keunstners meitsje Taizong ryk,
syn geast is altyd ûnderweis.

Image

Geastlik riker wurdt Xuanzong
fan skilders mei it each op ‘e natuer,
de maitiid hâldt de keizer jong,
in hichtepunt yn de kultuer.

Hynders wize op ‘e striid
fan boargers tsjin Xuanzong syn polityk:
de oergong nei in oare tiid,
ferskuord wurdt it Sineeske ryk.

Image

* Yan Liben wie in skilder oan it hôf
fan keizer Taizong

** Han Gan wie in skilder oan it hôf
fan keizer Xuanzong

Taizong en Xuanzong wiene keizers
fan de Tang-dynasty (618-907)


Archieven

Zoeken

  • Categorie

  • Datum