augustus 25, 2019
fan ûnbekend*
fan ûnbekend**
Elk hat in boppe en in ûnder,
boppe is er him bewust
fan alles om de minsken hinne,
ûnder hearsket libbenslust,
’t gehiel komt oer as wûnder.
Freud krong de djipte yn, want ûnder
socht hy om de sterkste drift:
de seks soe it úteinlik winne,
riist nei boppen yn de lift,
gjin minske kin der sûnder.
Jung liet him yn mei argetypen:
bylden yn de ûndersiel
fan ’t minskdom, dy’t der altyd binne,
elkenien hat dêroan diel,
dy wûnderwrâld as stipe.
Gjin wûnder dat de beide typen
ûnderling ferfrjemden, want
fan boppen sjoen sil ienheid winne.
* Foto ‘Freud’
** Foto ‘Jung’
augustus 18, 2019
fan ûnbekend*
fan ûnbekend**
Wat wit in meteorolooch
fan wat de ierde djip beweecht?
Hy hat op wolk en sinne ’t each
en is gjin geolooch.
Mar Wegener seach folle mear
as wat in geolooch beweecht:
hy skôge út ’e hichte wei
dat lân fan see ferlear.
It lân siet earst as ienheid fêst,
dreau troch de iuwen útinoar,
beweging út ’e djipte wei
kaam nei ’t ferrin ta rêst.
De geolooch seach net sa djip,
dreau mei de meteorolooch
de spot: ‘Hy hat oars net it each
as op it wolkeskip.’
Op Grienlân seach it each neat mear:
’t bedarre ûnder snie en iis,
it lichem waard earst letter fûn,
net skeind troch miuw of bear.
* Yllustraasje ‘Kontininten neffens Wegener’
* Foto ‘Wegener op Grienlân’