Archive for the Skiednisbylden category

Pancho Villa

fan ûnbekend*

Revolúsjonêr en generaal,
bandyt en Meksikaanske held,
sa gie Pancho Villa troch it libben,
hy skreau syn eigen filmferhaal.

Earmoed makke syn gewearloop hjit,
de riken waard syn komst net meld,
ûnferwachts ferlearen sy it libben,
hy song syn eigen heldehit.

Fan bandyt waard Pancho generaal,
focht foar syn lân en presidint,
hat ferwoeden nei it heechste stribbe,
hy spriek noch altyd kûgeltaal.

Net mear generaal, mar terrorist
yn ’t lân fan rykdom yn de sprint,
santjin minsken brocht er om it libben,
’t ferhaal gie troch, wat hy net wist…

… oant it leger fan Amearika
de grins oerkaam en nei him socht,
mar fergees, ien brocht him om it libben,
hy kaam net mear oan skriuwen ta.

* Foto ‘Pancho Villa’

Slach sûnder bloed

fan ûnbekend*
fan ûnbekend**

In fuorge dêrst yn rinne kinst
om kûgels te ûntwiken,
fynst net yn see of oseaan;
’t giet yn de oarloch om de winst,
dan maalt men net om tûzen liken.

Matroazen dûke feilich mei
in ûnderseeër ûnder,
ûnsichtber om fûl ta te slaan;
it libben stiet dêrboppe faai,
yn ’t kriichsferrin net sa bysûnder.

Eleucher treft it minder goed
en hinget oer de side,
matroazen moatte ’t libben jaan,
al jouwe se it sûnder bloed-
ferjitten, kriich betsjut ek skiede.

* Foto ‘Dútske ûnderseeër’
** Foto ‘Dútske kruser Eleucher’