Willem Tjerkstra’s thússide

Archive for the Polityk category

admin

Genoside

Polityk

fan ûnbekend*

Paleizen binne net geskikt
om frede yn de wrâld te stichtsjen
troch besitters fan de macht
dy’t oer de grinzen hinne gean
safier it each mar rikt.

Mar ien paleis stiet foar it rjocht
fan folken dy’t de frede sykje,
rjochters hawwe dêr it foech
om foar de swakken yn te stean,
dêr’t amper ien oan tocht.

It westen tinkt oan Israel,
hat gjin gefoel foar Palestinen
dy’t wol tweintich kear sa faak
fermoarde wurde, krekt as is
in minske net yn tel.

As ’t rjochtse folk tinkt radikaal,
sprek, rjochters, dan fan genoside,
fyftjin ha dêrta it foech,
yn fredesnamme is it mis
te deadzjen op sa’n skaal.

* Foto ‘Fredespaleis’

admin

Rachel en Farah gûle

Polityk

fan Arno Breker*

Rachel gûlde om har bern,
de mem fan ien miljoen,
fergasse yn de drûge dûs,
ûnskuldich oan de sûnde
fan ekstreme macht dy’t útrint
op ’t geweld fan ien dy’t Adolf
hiet… wa is dy fint?

Farah gûlt hjoed om har bern,
de mem fan hieltyd mear
dy’t deade wurde troch it fjoer
fan wraak, ûnskuldich oan de
sûnde fan de macht dy’t útrint
op ’t geweld fan Benjamin**, sa
hjit dy jongste fint.

Joazef, broer fan Benjamin,
de ûnderkening fan
Egypte, hâld de moarden tsjin
en strui it brea út oer it
gea yn plak fan de raketten,
mear sa klinkt troch yn dyn namme,
oars as Benjamin.

* Arno Breker (1900-1991)
Byld ‘Adolf Hitler’

** Benjamin Netanyahu

Archieven

Zoeken

  • Categorie

  • Datum