februari 15, 2025
fan ûnbekend*
Wa sil de frede leverje
no’t dy keapwaar wurden is:
in swarte do foar ierdmetalen,
fearren ferve op ’e roffel fan
de tromme yn it Wite Hûs…
wa kin dan noch nei frede tale?
Wa sil it lân oerleverje
dat op slach oerfallen is
troch swarte bearen, as barbaren
skeaten sy de wite do oeral…
wa’t op ’e tromme slach nei slach
jout, wol fan ’t lân tal dollars barre.
Wa sil dan wjerstân leverje
tsjin wat net te mjitten is
fanwege duvelske motiven,
riis oerein en hâld de rêgen rjocht
sadat de do wer fleane kin
en fervje swart de sike liven.
* Yllustraasje ‘Swarte do’
december 13, 2024
fan ûnbekend
Net elke Joad hjit Benjamin,
de jongste fan heit Jakob,
dy’t stiel it earsteberterjocht
en trochgong foar korrupsje,
wis, dy heit wie net sa min.
Syn namme is ek Benjamin,
dêrachter Netanyahu,
dy’t brekt it earsteminskerjocht
en trochgiet foar korrupsje,
dy premier is net sa min.
Syn misdied rekket elke Joad,
al is dy ek ûnskuldich
oan ’t konsintrearjen fan it folk
dat snakt nei ynterrupsje
nei al wer in bernemoard.
Neam him net langer Benjamin
en wiskje út syn namme,
sadat gjin smet fersmoarget folk
dat skjin is fan korrupsje…
hat sa’n namme dan noch sin?
Yllustraasje ‘Lege boekrol’